Siunertaq
Input-output tabelip, aningaasaqarnikkut kisitsisitigut paasissutissat aalajangersarlugit erseqqissarneqarnissaat siunertaraa aamma tunisassiornerup, eqqussuinerup aningaasaqarnerullu piffissap aalajangersimasup imminnut ataqatigiinnerisa erseqqissarneqarnissaat siunertaavoq. Tabelit atorlugit maligassat tunngavigalugit aningaasaqarnerup imminut ataqatigiinnera naatsorsorneqarsinnaalerput, naatsorsukkat nuna tamakkerlugu naatsorsuutinut aamma tabelinut ilanngillat.
Najoqqutat
Input-output tabeli assigiiffaarittumik inuussutissarsiut×inuussutissarsiut atorlugu suliaavoq, taanna europami periuseq atorneqartartoq FN-imit suliaq "A System og National Accounts 2008" tunngavigalugu suliaavoq, taannalu malitseqarpoq taaneqartartumik"Det Europæiske Nationalregnskabssystem - ENS2010". Input-output tabelimi datat nuna tamakkerlugu naatsorsuutini pilersuinermut atuinermullu matricit kisiisa tunngavigalugit suliarineqarput.
Input-output tabeli
Nuna tamakkerlugu naatsorsuutini tunisassiat 580-it oqimaaqatigiissinneri tunngavigalugit tabeli suliarineqarpoq, tunisassiortunit aamma atuisunit aningaasanngorlugit nikerarneri nassuiaatigineqarlutik. Tunisassiortut inuussutissarsiortuupput, eqqussuisuupput aamma input-inut allanut ilaapput, soorlu sulisunut akissarsisitsinernut. Inuussutissarsiortut atuisuupput atuisutullu kingullertut ass. inuinnaat atuisuupput avammullu tunisineq.
Inuussutissarsiortut tunisassiornerisa nalinga aamma nioqqutissat akit tunngaviusut atorlugit suliarineqarput, toqqaannarnagu akitsuutinik aamma tapiissutinik ilaqaratik. Kisianni tabelimi immikkoortinneqarlutik toqqaannarnagu akileraarutit tapiissutillu takuneqarsinnaapput, taamaasilluni atuineq pisisartunut akit atorlugit naatsorsorneqarsinnaalluni.
Paasissutissat allat
Bent Thagep aamma Annette Thomsenip atuakkiaani Nationalregnskabet nuna tamakkerlugu naatsorsuutit ilisaritinneqarput, atuagaq taanna tulleriiaallugit saqqummersinneqartartumi Erhverv og samfund, Handelshøjskolen Forlagianit saqqummersinneqarpoq 2004-rimi aamma atuagaq Christen Sørensenimit allanneqarsimasoq Nationalregnskab, betalingsbalance og udenrigshandel tulleriiaallugit saqqummersinneqartartumi: Økonomisk samfundsbeskrivelse, Forlaget Systime Academicimit, 2003-mi saqqummersinneqartoq atuarneqarsinnaavoq.